آتش احساس/کچھ بات تو کریں

عمر رواں ٹھر ذرا کچھ بات تو کریں
کیا کھو دیا کیا پا لیا کچھ بات تو کریں
گھر سے چلے تھے ڈھونڈنے خوابوں کی سر زمین
راھزن ملے کہ راھنما کچھ بات تو کریں
منزل پہ آ کہ پوچھتے ہیں راھروانِ شوق
گردِ سفر سے کیا ملا کچھ بات تو کریں
راہ وفا کے لوگ تو پتھر کے ہو گیے
دنیا نے کس کو کیا دیا کچھ بات تو کریں
کچھ لوگ زندگی کی ضما نت تھے دوستو
وہ کیسے ہو گیے جدا کچھ بات تو کریں
اشکوں نے سر بزم جو چھیڑی وفا کی بات
کیوں دوست ہو گیے خفا کچھ بات تو کریں
اپنا جنوں تو دار و رسن تک پھنچ گیا
انجامِ آرزوء وفا کچھ بات تو کریں
تجھ سے بچھڑ کے ھم تو اندھیروں میں کھو گیے
اے دوست تجھ کو کیا ملا کچھ بات تو کریں
صحرا میں راستوں کے نشاں کس طرح ملے
منزل پہ کون کیسے لٹا بات تو کریں
تا عمر ڈھونڈتے رھے دل کا سکوں حنیف
جانے ھوئی تھی کیا خطا کچھ بات تو کریں

محمد حنیف